HOSPITAL HEALTH

Den Transport an der Ambulanz bis an d’Spidol (bis zu 400 km), d’Käschte fir e stationäre Spidolsopenthalt (och ouni Bedeelegung vun der obligatorescher Krankeversécherung), déi medezinesch Leeschtungen, d’chirurgesch Agrëffer, och Accouchementer, all dat si Käschten, déi Dir rembourséiert kritt.

D’Käschte vum Spidolsopenthalt an der 1. Klass gi vun HOSPITAL HEALTH iwwerholl. Fir datt Dir Iech wuelfillt, ginn och d’Käschte vun engem Eenzelzëmmer an d’Locatiounskäschte fir den Telefon an d’Tëlee rembourséiert.

Profitéiert vun der beschtméiglecher medezinescher Versuergung a vum fräie Choix vun Ärem Dokter, dozou zielt och de Chefdokter. Behandlungen, bei deenen d’Honorairen iwwerschratt ginn, sinn och ofgedeckt.

Wann Äert Kand verséchert ass, kritt Dir d’Käschte vum Rooming-in rembourséiert, sou datt Dir bei Ärem Kand bis zum Alter vun 12 Joer am Spidol iwwernuechte kënnt, ouni Iech wéinst de Käschte Suergen ze maachen. Bei der Gebuert vun engem Kand gëtt och den Openthalt vum Papp iwwerholl.

Bei enger Hospitalisatioun kritt Dir nieft dem Remboursement vun all Äre Käschten och nach eng Dagesindemnitéit fir Spidolsopenthalter an Héicht vun 30 €.

Dir sidd zu Lëtzebuerg an a ganz Europa d’selwecht verséchert. Och wann Dir ausserhalb vun Europa reest, profitéiert Dir vun engem ganze Mount Versécherungsschutz.