COMPANY
D’betriblech Gesondheetsversécherung ass hautdesdaags e wichtegt Instrument, fir nei Mataarbechter unzezéien an ze fideliséieren.
Mat dësem „Employee benefit” beweist Dir Engagement a Respekt géintiwwer Äre Mataarbechter a positionéiert Iech gläichzäiteg um Aarbechtsmaart als modernen an attraktiven Employeur.
E flexibele Versécherungsschutz „à la carte”
Passt Är betriblech Gesondheetsversécherung Äre Besoinen un. Bestëmmt, vu wéi enge Leeschtungen Är Mataarbechter profitéiere kënnen: ambulant Behandlungen, Brëller a Kontaktlënsen, Behandlungen un den Zänn an Hospitalisatiounen, an ergänzt dës duerch zousätzlech Garantië wéi d’Direkthëllef BEST CARE PREMIUM+ fir Noutfäll oder d’Krankeversécherung fir Auslandsreesen TRAVEL.
Eng Win-Win-Situatioun
Bitt Äre Mataarbechter e Versécherungsschutz fir déi bescht medezinesch Versuergung. Esou kënnt Dir se laangfristeg fideliséieren an de Succès vun Ärer Entreprise garantéieren. Gläichzäiteg gitt Dir hinnen d’Méiglechkeet, hire Krankeversécherungsschutz a ville Beräicher, déi net oder nëmmen deelweis vun der obligatorescher Krankeversécherung ofgedeckt sinn, ze erweideren, an dat dank dem Kontinuatiounsrecht och esouguer dann, wa si de Betrib verlooss hunn.
Direkte Versécherungsschutz fir jiddereen a vun Ufank un
All Är Mataarbechter profitéiere vun der direkter Affiliatioun, ouni medezinesch Ënnersichung oder Karenzzäit, an et gëlle fir jiddereen déi selwecht Bedéngungen. Är Mataarbechter ginn deemno automatesch opgeholl an et muss kee virun engem Ausschloss oder Risikosupplement Angscht hunn.
Choix vum Grupp vu Leit, déi Dir verséchere wëllt
Dir kënnt fräi bestëmmen, wéi e Grupp vu Leit Dir verséchere wëllt. Wielt eng Gruppeversécherung fir all Är Mataarbechter oder nëmme fir e Grupp vu Persounen, wéi z. B. d’Manager, d’Departementscheffen oder d’Direkteren, aus. Dir kënnt och d’Affiliatioun vun de Familljemembere vun Äre Mataarbechter erméiglechen, fir hire soziale Virdeel ze erhéijen.
