Wéi mécht een eng Remboursementsdemande?

Schéckt eis Är Beleeger direkt iwwer d’LALUX easyAPP, iwwert den Espace client easyAPP Home oder per Post un déi follgend Adress:

DKV Luxembourg S.A.
B.P. 845
L–2018 Luxembourg

Fir datt mir Är Remboursementsdemande direkt traitéiere kënnen, biede mir Iech, déi follgend Punkten ze beuechten:

• Schéckt keng PID (Paiement Immédiat Direct) Rechnungen! Mir brauche just d’Ofrechnung vun der CNS.
• Wann Dir d’Dokumenter per Post schéckt: Gitt Är Versécherungsnummer gutt lieserlech un a klamert d’Dokumenter net uneneen oder agraféiert se.

Bei enger integraler Versécherung (COMPLETE HEALTH), brauche mir d’Original vun der Facture.

Bei Zousazversécherungen a wann d’CNS en Deel vun der Leeschtung rembourséiert huet, geet de Beleeg vum Remboursement eis duer. AUSNAM: Bei Behandlungen un den Zänn oder am Ausland musst Dir ëmmer eng Kopie vun der Facture an de Beleeg vum Remboursement vun der CNS derbäileeën.

Wann d’Käschten deelweis vun enger anerer obligatorescher Krankekeess (z. B. am Ausland) iwwerholl ginn, dann annexéiert wgl. eng Kopie vun der Facture an de Beleeg vum Remboursement vun der jeeweileger obligatorescher Krankeversécherung.

Facturen, déi net vun der obligatorescher Krankeversécherung rembourséiert ginn, mussen och am Original bei eis agereecht ginn.